Tiervâ! Mun lam Nanna Rytkönen já mun porgâškuottim äššitobden PI-palvâlusâi Avveel toimâpääihist taan ive cuáŋuimáánust. PI-palvâlusâin láá ohtsis 13 toimâpäikkid Laapi kuávlust: tavemus lii tääbbin Avelist já mädimus Kiemâst. Täärhib tiäđuh kávnojeh čujottâsâst toimistot.te-palvelut.fi.

Tun puávtáh almottâttâđ pargo-occen neeti peht Oma asiointi -palvâlusâst čujottâsâst www.tyomarkkinatori.fi. Siijdoh láá tuše suomâ-, ruotâ- já eŋgâlâskielân, mut vuáđutiäđuh mij palvâlusâin kávnojeh sämikielân čujottâsâst tyomarkkinatori.fi/saame/inarinsaame. Almottâttâm maŋa PI-palvâlusâi äššitobdee suáittá tunjin teikkâ väärrid ääigi pääihi oolâ toimâttâhân savâstâllâm várás. Oovtâst äššitobdein tun rááhtáh pargofinnimvuávám. Pargo kalga uuccâđ tego vuáváámist lii soppum, vâi vuoigâdvuotâ pargottesvuotâhiätun siäilu.

Tun puávtáh meid ávhástâllâđ mii eres palvâlusâid tego pargouuccâmvalmim teikkâ karrieervalmim. Pargottes ulmuuh pyehtih peividiđ jieijâs mättim tâi škovliidâttâđ uđđâ suárgán pargovyeimiškovliimist. Oppâm pargottesvuotâhiäđoin lii meiddei máhđulâš, jis tast lii soppum PI-palvâlussáin ovdil oopâi älgim. PI-palvâlusâi ravvimpalvâlus (suomâkielân) numerist 0295 020 702 iššeed puoh oppâmân lahtojeijee aašijn.

Mij faallâp palvâlusâid já škovlim meid algâtteijee irâtteijeid. Ääigitásásiih tiäđuh Laapi kuávlu irâtteijeeškovliimijn kávnojeh čujottâsâst toimistot.te-palvelut.fi/lappi/yrittajyysvalmennukset.

Jis halijdah lasetiäđuid palvâlusâin teikkâ tarbâšâh iše pargoucâmist, vuolgât viestâ Oma asiointi -palvâlusâst. Tuu jieijâd äššitobdee váldá ohtâvuođâ já iššeed tuu ovdâskulij.

Nanna Rytkönen, äššitobdee, Laapi PI-palvâlusah